Hazrat Imam Muhammad Taqi(as)

wiladat: 10 Rajab 195 hijri

kuniyat:Abu Jafar

laqab:Jawad,Murtaza,Taqi

Imam ki tarbiyat:

imam Taqi ko bachpan say hi bohat sari mushkilat ka samna karna para.imam nay apnay baap k zeray-saye parwarish pai.imam taqi abhi sirf 5 saal k hi thy k imam Raza ko khurasaan safar karna para.is waqat jo imam taqi,imam raza say juda howay toh phir milne ka mauka nah mila.

Imam Raza ki shaddat or imam Taqi ki Imamat:

203 hijri main 23 zi-qad ko imam raza ki shaddat k bad imam taqi nay imamat k fariz sambhalay apni zimmedari pori ki.

imam taqi(as)aur umm_e_fazal ki shadi:

Mamoon(L) nay apni beti ka nikah imam taqi(as) say karwa diya imam nay 500 dirham haq mehar diya tha  or jo khutba imam taqi (as) nay apnay nikah main parha wo aj  bhi nikah main parha jata hai 

imam taqi(as) or ta_ul_arz:

Asif bin Barhiya wasi janab sulman (as) ka ye waqia hai kay aik dafa imam taqi (as) madina say rawana howay or sham pouhanch kar dekha aik shakhs us jaga ibadat kar raha tha jaha imam hussain ka sar mubarak latkaya gaya tha. imam nay us sakhs ko apnay sath liya or abhi kuch qadam hi chalnay k bad ap usy kufa ki masjid main lay gay or waha namaz ada karne k bad kuch hi waqt main madina ponch gay or waha ibadat krny lk bad kuch hi waqat main makkah ponch gay or waha tawaf or ibadat k bad us shakhs ko dobara sham ki masjid main chor kar hud imam nazron say ojhal ho gay.

phir jab doosra saal aaya toh imam nay us shakhs ko peechlay saal ki trah ibadat karwai

or sari ziyarat b karwai

is martaba us shakhs nay imam ka hath pakar liya or kaha k ap kon hain

uskay pochnay pay imam nay farmaya k main "Muhammad Taqi" hon 

imam k janay k bad yeh baat pooray shaher main aag ki tarah phail gai

jab sham k hakam ko is baat ka pata chala toh us nay is shakhs ko qaid kar liya

is shakhs nay wali-sham ko khat likha k main beQasoor hon mujhe chor do toh sham k hakam nay kaha k us say madad mang jo tujhe sham say kufa or kufa say medina or madina say makkah or phir makkah say sham chor kar gaya.

is jawab k dosray rooz hi sakht-tareen pahray k bawajood wo sakh gaib ho gaya.

imam taqi (as) ki hidayat:

1. jo kisi ko baraa samjhta hai wo uss say darta hai.
2. jiski khwahish zayada hoon gi uss ka jisam mota ho ga.
3. jo khuda say daray ga log usay dost rakhain gay.
4. insaan ki tammam khoobiyoon ka markaz zubaan hai.
5. insaan ko barbad karne wali cheez lalach hai.

imam taqi(as)ki nazar bandi,qaid or shaddat:

hakim nay imam taqi(as) ko bagdad bula kar qaid kar diya imam ko aik saal tak qaid main rakha gaya. akhir kar 25 saal 3 mahine 12 din ki umer main aap ko zehar say shaheed kiya gaya. ap ko apki biwi umme_e_fazal nay  apnay baap  kay kehnay par ap ko zehar diya. iss kay baad imam ali naqi(as) nay aap ka janaza parhaya. or aap ko imam mussa(as) kay pehloo main dafan kiya gaya.